tg-me.com/facdy313/1071
Last Update:
مولاي الاكبر
.......
بس ليله وي ليلى بقت وتودع النور
النور باجر ينطفي ابضهرك يعاشور
امودعه اوياك الامان
يبني الاكبر والحنان
.........
بس ضلمة الليله البقت ومنك اريد اشبع نضر
اعطش لشوفك لو رحت وباجر تره فركه وسفر
يلولد مر اموادعك وهجرك بعد طعمه امر
الليل البدونك مو حلو متروس بس هم وكدر
..........
نور الشمس اضلم اذا مو وجهك اوياه
ابلياك اضيع كل فرح وبس حزني الكاه
اشمحله اسمك بلسان
..........
يوليدي يالب الكللب اكبالي اكعد وخليني اشد
عصابتي فوك الزند وقره عله اعيونك حمد
من انه اجيت الكربله وياك حته اوياك ارد
انت الوحيد ولو رحت راح ابقه يبني ابلايه سد
......
نام اعل ايدي ياعلي وخلينه نحجي
هل الليله بس وي بسمتي اوباجر ابجي
وتبقه ذكره ابكل مكان
........
تضوي اشحلاتك بلخيم يوليدي واحله من الضوه
ابخيمتي النسمه التمر اعذب ييمه امن الهوه
اكبالي اشوفن مشيتك ابضهرك اشمحلاته اللوه
باجر جمالك عل الثره ايخربه التراب ابنينوى
........
باجر تموت امن الضمه والورده تذبل
كدامي لو كالو عطش كل حيلي ينحل
افراكك اعل ارسومي بان
........
باجر يريته لا اجه وعليه بحزانه يهب
وليل ضل يركض ركض وساعاته ابد ماتنحسب
يبني وذا طر الصبح للحومه انته تنطلب
لاسامح الله ماترد وكللبي تعذبه ابيا ذنب
..........
اتمنه يخلص عمري وكطع كبله الانفاس
غيرك امنين ايصح عرف مابين هل ناس
اعليه يفتر الزمان
.........
اتخيلك تمشي وابوك يوكفلك اباب الخيم
ومرايه وجه ايصير الي بين الحزن بين ابتسم
وانه اضل متعلعله وسكته متروسه الم
وين الله ويرجعك الي وبشوفتك مايبقه هم
..........
وبلخيمه ادعي الله ترد اوطولك ايلوح
وركضلك انه امفرفحه اودمعي مفضوح
تترك امك هيج هان
..........
اللهم عجل لوليك الفرج
بفضلهم محمد الاسماعيلي
BY الشاعر محمد الاسماعيلي
Warning: Undefined variable $i in /var/www/tg-me/post.php on line 280
Share with your friend now:
tg-me.com/facdy313/1071